Երևանի օդի աղտոտվածության ճգնաժամն այլևս չի կարելի անտեսել. PM2.5-ը` մարդու մազի լայնության 1/30-րդ չափն ունեցող փոքր մասնիկը, թափանցում է մեր թոքեր և արյան շրջանառություն` առաջացնելով բորբոքում, շնչառական հիվանդություններ, սրտի հիվանդություններ և նույնիսկ վաղաժամ մահ: Ձմռանը PM2.5-ի մակարդակը գերազանցում է ԱՀԿ-ի առավելագույն ուղեցույցը առնվազն 10-ով, իսկ դեկտեմբերի 24-ին այն գերազանցվել է 58 անգամ՝ 291 մկմ/մ3:
Հայաստանում PM2.5-ը ծագում է վտանգավոր աղբյուրներից՝ կրելով այնպիսի վնասակար միացություններ, ինչպիսիք են այրվող պլաստմասսան, ծանր մետաղները, ծծմբի երկօքսիդը, ցնդող օրգանական միացությունները (VOCs), ածխաջրածինները, ազոտի օքսիդները և այլն:
Ամենամեծ վտանգի տակ են երեխաները, տարեցները և առողջական խնդիրներ ունեցող անձինք: Առանց կառավարության անմիջական և վճռական միջամտության՝ մենք կբախվենք աճող առողջապահական ճգնաժամի, որը կխլի ավելի շատ կյանքեր և ավելի կվատացնի մեր տնտեսությունը։
Ավելի մաքուր օդը պարզապես երազանք չէ. այն անհրաժեշտություն է: Եկեք պահանջենք հրատապ գործողություններ հիմա՝ մեր առողջության, մեր ապագայի և մեր քաղաքի համար:
Ի՞նչ կարող եք անել դուք: Կիսվեք գրառմամբ իրազեկություն տարածելու համար: Որքան շատ մարդ հասկանա իրավիճակի լրջությունը, այնքան ավելի ուժեղ կդառնա մեր հավաքական ձայնը:
